Nagapabilin nga normal ang operasyon sang Oxygen plant sang probinsya sang Negros Occidental nahamtang malapit sa Teresita Lopez Jalandoni Provincial Hospital sa syudad sang Silay. Ginpahayag ni Provincial Administrator Atty. Rayfrando Diaz II ginbisitahan sadtong lunes ni Governor Bong Lacson ang nasambit nga oxygen plant pagkatapos sang groundbreaking ceremony sa pagatukuron nga CEMREID ukon Center for Emerging and Re-Emerging Infectious Diseases sa amo man nga duog.
Suno kay Diaz ginpasakaan pa gid ang produksyon sang oxygen plant kumparar sadto sa ma-producer sini nga 70 ka tangke kada adlaw ukon mga mil 540 sa sulod sang isa ka bulan.
Wala labot sa pagpasaka sang production capacity sang planta may igadugang nga personnel para sa operasyon sini.
Dugang pa ni Diaz target sang probinsya nga maka-producer ang oxygen plant sang 180 ka tangke kada adlaw.