Produksyon sa Sibuyas sa Northern Mindanao, pakusgan!

Patas-an pa sa Department of Agriculture Northern Mindanao ang produksyon sa sibuyas bombay dinhe sa rehiyon.

Kini homan nasuta sa nahisgutan nga rehiyonal nga buhatan nga mamahimo nang itanom sa rehiyon ang bombay, ug napamatud-an kini sa duha ka local producers gikan sa lungsod sa Sumilao ug Impasug-ong Bukidnon.

Matud ni DA-Regional Office 10 Regional Executive Director Carlene Collado duna sila’y panagtigom kauban ang Onion Seed Companies aron mapahigayon ang launching sa “onion derby” ug himuon kini sa research station sa DA sa Dalwangan Malaybalay Bukidnon ug Claveria Misamis Oriental.

Katuyuan niini nga makasuporta ang mga seed companies sa pagpahigayon og demo alang sa pagpanom sa bombay ug sila na mismo ang muhatag sa seeds ug fertilizers, ug ang DA na ang mo-identify sa mga location sites ug mugasto sa labor.

Gihimo sab kini nga lakang aron masiguro nga dunay igo nga suplay sa bombay sa rehiyon, dungan nasab sa pagsaka sa presyo niini sa mga kamerkadohan.

Leave a Reply

Your email address will not be published. Required fields are marked *