Provincial director ng CNPPO may paalala matapos  matagumpay na operasyon ng SACLEO sa ibat- ibang bayan sa probinsya

CAMARINES NORTE – Matagumpay ang naging operasyon sa ikinasang Simultaneous Anti-Criminality and Law Enforcement Operations (SACLEO) sa lalawigan ng Camarines Norte nitong Enero 23-29, ng taong kasalukuyan

Dalampung (20) akusado sa iba’t ibang krimen ang nadakip ng mga kapulisan ng Camarines Norte sa pangunguna ni Pcol. Antonio C. Bilon Jr., Provincial Director ng Camarines Norte Police Provincial Office

Ang mga nadakip ay may kasong Rape in relation to RA 7610, pag labag sa City Ordinance No. 730 S-2019, Estafa in Relation to RA 10175, Child Abuse in relation to Sec. 6, RA 10175, Violation of Social Security Act of 2018 in relation to 8282, Frustrated Homicide, Murder, Acts of Lasciviousness, Grave threats (RPC Art 282), Coconut Prevention Act, at Kidnapping in Relation to 7610.

Samantala, pinuri naman ni Pcol. Bilon Jr., ang mga kapulisan dahil umano sakanilang dedikasyon upang mahuli ang mga most wanted persons ng probinsiya. Aniya, ang isinagawang SACLEO ay nag lalayong panatilihing ligtas ang Camarines Norte at magapi ang mga nag tatago sa batas.

Patuloy din ang kaniyang panawagan na mag tulungan ang lahat upang mapanatiling payapa ang lalawigan. Kung may impormasyong alam tungkol sa mga illegal na gawain at nagtatago sa batas, ay agad itong ipag bigay alam sa pinakamalapit na himpilan ng pulisya.