PROVINCIAL GOVERNMENT, NAGPAIN SANG P57.6-M NGA PONDO PARA SA CAPIZTAHAN 2023

Nagpartiniser ang Capiz Provincial Government sang 57.6 milyon pesos nga pondo nga pagagamiton para sa selebrasyon sang Capiztahan 2023.

Sa pahayag ni Board Member Jonathan Sonny Besa, chairman sang Committee on Appropriations sang Sangguniang Panlalawigan sa isa ka pagsinapol sa kapitolyo.

Naglab-ot sa P57,648,533.15 ang aprobado nga pondo sang panlalawigan nga pagamiton sa nagkatuhay nga aktibidades para sa amo nga selebrasyon.

Dugang pa ni Besa, nga ang nasambit nga pondo ang gikan sa savings sang gobyerno probinsyal sang nakaligad nga Fiscal Year 2022.

Suno pa kay Governor Fredenil Castro nga mangin transparent ang paggastos sang kwarta kag sarang matsekyar ang mga dokumento natuhoy sa ginpadulungan sang pondo sa mga talatapan sang Provincial Accounting kag Treasurer’s Office.//KMD Gicalde