Prov’l Council ng Masbate, nagpahayag ng pagtutol sa iminumungkahing ‘exploration’ ng FRC sa bayan ng Uson

Kinuwestyon sa Committee Hearing ng Sang. Panlalawigan, na pinamumunuan ng Committee on Environment ang Natural Resources ang pagtatangka ng Filminera na humingi ng exploration permit sa mga Brgy ng Armenia, Bonifacio, Centro, Marcella, Simawa, San jose at San Ramon sa ilalim ng hurisdiksyon ng munisipyo ng Uson.

Sa isinagawang Committee Hearing, inulan ng ibat-ibang katanungan ang kinatawan ng FRC.

Nagdulot ng debate ang nasabing kahilingan ng FRC na payagan silang magsagawa ng nasabing bexploration sa 7 barangays sa Uson.

Iginiit kasi ng mga kinatawan ng SP ang magiging epekto nito sa kalikasan lalo na sa mga taong maaapektuhan.

Inihalimbawa nila ang malawakang pagkasira ng kalikasan sa bayan ng Aroroy, na hanggang ngayon ay hindi pa naibabalik ang kabundukan nito sa dati nilang estado.

Binigyan diin din ng Konseho na kapag umuulan ay apektado ng baha ang ilang komunidad sa uson, mas nakakaalarma aniya kapag nawasak ang mga bundok dito.

Sa tinapos na argumento tungkol sa nasabing panukala, malinaw na hindi sang-ayon ang local na pamahalaan ng lalawigan sa panukala ng FRC.