PRRD, iginiit na hindi dapat maging mapili ang mga Pilipino sa bakuna

Binatikos ni Pangulong Rodrigo Duterte ang mga tao na ang pinipiling brand lamang ng COVID-19 vaccine ay ang gawa ng Pfizer-BioNTech.

Sinabi ng Pangulo sa kanyang Talk To The People briefing na hindi pwede maging mapili ang mga tao sa pagpapabakuna lalo na at limitado ang suplay nito.

Dagdag ng Pangulo, kailangan ay maging pantay-pantay ang distribusyon ng bakuna at hindi naman pupwede na hindi mabibigyan ang mga tao sa Visayas at Mindanao ng Pfizer vaccine.

Iginiit naman ng Punong Ehekutibo na epektibo ang lahat ng bakuna laban sa virus ngunit wala rin kasiguraduhan na hindi sila mahahawaan nito lalo na at maraming nagsusulputan na variants ng COVID-19.

Matatandaan na mismong ang Pangulo ang nagsabi noon na mas gusto nito na mabakunahan gamit ang Chinese vaccine at hindi ang gawa ng US.

Mababatid na nitong buwan lamang ang nagpabakuna na ang Pangulo gamit ang Sinopharm.

Leave a Reply

Your email address will not be published. Required fields are marked *