CAMARINES NORTE- Sinusuyod na rin ngayon ng Philippine Statistics Authority (PSA) ang iba’t- ibang eskwelahan sa lalawigan ng Camarines Norte para sa Philippine Identification System (PhilSys) registration.
Ayon kay Chief Statistical Specialist Maria Dulce Padayao, nagkakaroon ng registration lalo na sa mga batang sumapit na sa limang taong gulang.
Lahat din umano ng munisipyo sa ngayon ay nagsasagawa ng mobile registration at maging sa iba pang mga lugar tulad ng palengke.
Kaugnay nito ay patuloy na hinihimok ng PSA ang mga hindi pa nakakapagparehistro na samantalahin ang pagkakataon lalo na ang mga mobile registration.
Ayon pa kay Padayao maaari rin umanong makipag ugnayan sa kanilang opisina ang mga LGU para sa pagsasagawa ng mobile registration.
“Sa ngayon po bukod sa mga schools meron na po ulit tayong mga registration, naka enable ulit po yung mga registration natin sa mga munisipyo na kahit po paisa- isa or kung konte lang ang hindi pa nakakapa- register ay pwede pa ring pumunta sa office ng mga local civil registrars natin sa mga iba- ibang munsipyo, at kung sa mga barangay naman po na may malalaman kayo na may mga bagong dating or mga hindi pa nakakasama sa registration ay pwede po kaming tawagan para mabalikan namin,” ani Padayao.
Narito ang 14 na LGU- Based Registration Centers:
Basud 2F Old Municipal Hall, Poblacion 1, Basud, CN
Capalonga GF Municipal Hall, Capalonga CN
Daet (LGU- Based) GF Municipal Hall, Daet, CN
Daet (PSA Office) LJR Bldg III, J. Lucban St.,Brgy III, Daet, CN
Daet (Mall Based) 3rd Floor SM City Daet, Vinzons Ave, Lag-on, Daet, CN
San Lorenzo Ruiz (will operate on July 2022)
Jose Panganiban GF Municipal Hall, MCRs Office, Jose Panganiban, CN
Labo Brgy. Hall, Gumamela, Labo, CN
Mercedes GF Municipal Hall, Mercedes, CN
Paracale GF Municipal Hall, Paracale, CN
Santa Elena 2F DICT Bldg. Municipal Hall Compound, Sta Elena, CN
San Vicente GF Municipal Hall, MCRs Office, San Vicente, CN
Talisay 2F Senior Citizens Bldg, Poblacion, Talisay CN
Vinzons 2F Old Police Station Bldg., Brgy II, Vinzons, CN
