Publiko giawhag sa NBI sa pagtaho sa iregularidad sa gobyerno

GIAWHAG sa National Bureau of Investigation- Sarangani District Office (NBI-SARDO) ang publiko sa pagtaho sa taga- gobyerno nga lambigit sa iregularidad o anomalya. Matud ni Atty. Regnez Peneza, labaw sa NBI-SARDO gikonsidera nilang malampuson ang pagpasaka nila og kaso batok duha ka barangay kapitan sa Glan, Sarangani ug pipila ka kagawad.

Kalabut sa distribusyon sa Social Amelioration Program (SAP) atol sa Covid-19 pandemic atong 2020. Human gibarugan sa mga nagreklamo nga mga residente sa lugar kalabut sa pagkuha sa maong mga opisyal og salapi gikan sa SAP.

Dugang ni Peneza, ugaling dunay moabot nga reklamo kanila kalabut sa local officials sa GenSan ug Sarangani kalabut sa unsa mang korapsyon. Dili nila ilhon kung kinsa man ang lambigit, ang ilaha tindogan sa nagreklamo ug makigtinabangay kanila ang publiko.

Kasong pagsupak sa Anti-Graft and Corruption Practices Act, the Bayanihan to Heal as One Act ug Code of Conduct of Ethical Public Standards ang gipasaka batok sa pipila ka opisyal rehiyon kalabut sa SAP.

Kini ang naghatag og ayudang pinansyal sa mga pamilyang dunay ubos nga income ug labihang naapektohan sa community quarantine. I Richel Gubalani

Leave a Reply

Your email address will not be published. Required fields are marked *