HUGOT nga nagpahinumdom ang otoridad sa katawhan sa dakbayan nga likayan una ang pagkaligo sa dagat karong mao ang panahon.
Nunot kini sa drowning incident sa South San Juan, Brgy Centro, Davao City kagahapon sa hapon nga gikamatay sa usa ka 13-anyos nga batang lalaki.
Ang biktima giila nga si Nerbert Fointivilla Pradel, Grade 8 student, residente sa West A, Brgy. San Antonio, Agdao.
Sumala sa report sa Sta Ana Police Station, kauban sa biktima ang iyang mga higala nga nangaligo dihang gidala sa kusog nga balud sa lawum nga bahin ug nangawala.
Paspas nga miresponde ang mga sakop sa Central 911 USAR ug Coast Guard ug naglusad og Search and Rescue operation ug nakita ang lawas niini bandang alas 5:30 sa hapon.
Gidala pa sa Southern Philippine Medical Center apan gidklara nga dead on arrival sa doktor.