LEGAZPI CITY – Nananawagan ang Alkalde ng Legazpi na alisin na sarili ang pagdadalawang isip sa pagbabakuna.
Ito ang inihayag ni Mayor Noel Rosal ng Legazpi sa pressbriefing nitong nakaraang araw.
Ayon kay Rosal, hindi na dapat nagdadalawang isip pa ang mamamayan sa pagbabakuna dahil sa mahalaga rin na mayroong proteksyon sa katawan laban sa coronavirus disease (COVID) 19.
Maaari kasi magpalabas ng direktiba ang national government na ang paglabas ay hindi umano papayagan o limitado lamang dahil sa hindi pa ito nababakunahan.
Paliwanag nito, malaking posibilidad na makahawa pa at malagay din sa peligro ang buhay ng isang taong kapag hindi bakunado.
Dahil dito nakikiusap ngayon ang local chief executives sa mga Legazpeño na samantalahin na ang pagpapabakuna.
Sa ngayon kasi ay maluwag at hindi pa pinagpipilitan na magpabakuna kung kayat nakakalabas pa sa kanilang tahanan.