NAKAKUMPISKA og pukot unya sinako nga uling ang kapulisan sa Alabel, Sarangani Province Abril 8 sa kasamtangan nga tuig.
Subay sa talaan sa Alabel PNP nakadawat sila og tawag nga adunay nanagat nga naga gamit og pukot nga gagmay og mata, sa pag respondi sa kapulisan sa pagpanguna ni PSSG Christian Nadela ilang naabtan ang pukot nga anaa sa baybayon ug walay tawo.
Tungod niini ilaha nga gitugyan sa barangay ang ilang nakuha nga pukot alang sa husto nga disposasyon.
Ang laing nakuha sa kapulisan sa Alabel ang siyam ka sako sa uling, naagihan kini sa kapulisan sa daplin sa dalan apan walay tawo nga naga angkon niini.
Anaa sumala pa sa P1,800 ang kantidad sa uling, gidala kini sa estasyunan sa Alabel PNP. I Ver Diazon