Nakadawat og tawag ang Ormoc City Police Station 2 nga adunay usa ka hubog nga nagma-oy sa Purok Camia Brgy. Guintiguian, niadtong Marso 8 sa alas 10:50 sa gabii.
Matud pa, ningresponde si Pat Erwin Barabad ug PSgt Jonathan Tomada sa nahisgutang barangay.
Pag-abot sa mga ningrespondeng pulis sa maong dapit, nakig-estorya sila ni Kagawad Ibalez sa dihang kalit nga gidunggab sa hubog si Pat Barabad.
Nakaangkon og samad dinunggaban sa tiyan ang pulis. Ug gidali kini pagda sa tambalanan.
Samtang, giila ang suspetsado nga si Rudy Baring, hingkod ang panuigon, ug residente sa nahisgutang barangay.
Sa pagsuwat niining balita, gipasakaan na og kasong Direct Assault with Frustrated Murder ang suspetsado.