GIPA-IMBESTIGAHAN na labaw sa Police Regional Office (PRO-12) ang usa ka pulis human migula ang pangalan sa pagkatap sa ismagol nga sigarilyo sa Soccskargen region.
Matud ni Police Brig. Gen. Jimili Macaraeg, regional director sa PRO-12 gimandu na niya ang pagtaktak sa pwesto sa wala niini panganli nga police corporal og pag-imbestiga sa Regional Internal Affairs (RIAS). Kini aron masuta ang kamatuoran sa pagkalambigit sa maong pulis sa nahisgotang iligal nga aktibidad.
Ang pagpailawom sa imbestigasyon sa maong pulis ang dungan sa pagkakumpiska sa military checkpoint sa Barangay Bawing, GenSan nakalabayโng semana sa P19 milyon kantidad sa ismagol nga sigarilyo. Gikaengon nga napara sa sakop sa Joint Task Force GenSan ang tulo ka mini-cargo truck ug nakita ang gikadudahang lihok sa drayber.
Dihang pag-abli nakita ang 1,700 reams sa sigarilyo nga gituohang gikan sa Indonesia. Ang sakyanan ang gikan sa Palimbang, Sultan Kudarat ug gituohang ideliber ang mga sigarilyo sa distributor sa GenSan. Gidugang niini nga dili niya palutson ang personahe nga dunay hiwi nga binuhatan. I Richel Gubalani