Pulis gireklamo ang sundalo tungod sa alegasyong insidiscriminate firing

MIDANGOP sa presinto sa iyang mga kabaro ang usa ka pulis human nga buot niining ireklamo ang usa ka sundalo tungod sa iligal nga pagpabuto og pusil alas 9:47 sa gabie Abril 8, 2023 sa Zone 2 Block 7, Barangay Fatima, Gensan.

Ang mireklamong pulis ang giila nga si Pat. Kharl Saban, 27-anyos nga na destino sa Police Regional Office 12. Ang gireklamong sundalo ang giila nga si Jay Mark Aquino, nga residente matud pa sa Maitum, Sarangani Province.

Subay sa impormasyong nakalap sa Brigada News FM sa Fatima Police Station nga nag inom matud pa ang suspek kuyog ang laing pang indibidwal dihang niabot sa punto nga nag away matud pa ang sundalo ug ang iyang asawa rason nga napabuto og pusil sa dihang miresponde matud pa ang pulis, swerteng wala maigo si Pat. Saban apan nakasibat gilayon ang sundalo si Aquino sakay sa pick up kuyog ang iyang asawa padulong sa wala matinong direksyon. Narekober sa lugar kung asa nahitabo ang insidente ang 7 ka basiyo sa 9mm pistol nga takdang ipadala sa crime lab alang sa pagpailawom sa ballistic examination. I MJ Fernandez

Leave a Reply

Your email address will not be published. Required fields are marked *