Mag-atubang ug kasong pagalapas sa RA 9165 o Comprehensive Dangerous Drug Act of 2002 ang aktibong sakop sa Philippine National Police nga top 5 sa regional level sa drug watchlist sa kapolisan ug Philippine Drug Enforcement Agency.
Giila sa Talomo Police Station ang dinakpan nga si Police Corporal Andy Gibb Jaum Luna alias Vince, 35 anyos, residente sa Tahimik, Avenue, Matina, Davao City, nga nadestino sa 1105th Maneuver Company sa Kapatagan, Davao Del Sur.
Dakpan ang suspek kagahapon sa buntag atol sa gilusad nga buy-bust operation sulod mismo sa kwarto sa usa ka inn sa Ecoland ning syudad human napalitan ug illegal nga droga mobalor P2,000.
Sumala pa, nalambigit usab ang dinakpan sa sex for drug scheme.
Nakuha gikan sa iya ang gituohang droga nga nagkantidad P15,000 pesos, cellphone, P450 cash ug buy-bust money.