Tinueop sa ueo ru pulis nga nag pacify sa kaguluhan sa Poblacion Libacao,Aklan.
Sa report, nakilaea ru biktima nga si Patrolman Raffy Salazar samtang, ru suspek hay nakilaeang si Joey Idala, 29 anyos ag residente it Manligay, Negros Occidental apang temporaryong naga estar sa Pob. Libacao.
Naakig sigun ru suspek matapos magsugid ru anang manghod nga menor de edad nga gin kursonadahan it kakontra nga si Marco Cereso rason nga nag-angkon it commotion sa lugar.
Ikara nag pacify ag nagpakilaeang pulis si Patrolman Raffy Salazar apang tinueop sa ueo ag nalipong ru pulis rason nga gin daea sa hospital.
Eagi man nga nadakpan ru suspek ag menor de edad nga presenting naka detained sa Libacao MPS.
Samtang, pagakasuhan ru suspek it Direct Assault ag alarm and scandal si Marco Cereso nga kakontra it menor de edad.
Naga balor it Php 36,000 ru pyansa it suspek samtang Php 3,000 man ru pyansa ni Cerezo sa kasong Alarm and Scandal.//MARIVIC Y. ILIN