Pulis sa brgy’, palig-onon vs krimen –  hepe

GIPLANO sa bag-ong labaw sa kapulisan sa GenSan ang pagpalig-on sa “Pulis sa Barangay” tumong ang sayon nga pagkonekta sa mga tao. Matud ni PCol. Jomar Alexis Yap, acting city police director sa GenSan City Police Office (GSCPO) gimandu na niya sa hepe sa presinto.

Ang pagbutang og sakop sa 26-ka barangay sa siyudad aron dili na usab moplete ang mga dunay reklamo padulong sa presinto. Ang pulis nga nakadestino sa barangay ang kinahanglang makig-alayon sa mga barangay-base institution sama Barangay Peace and Order Council ug uban pa alang sa pagpasiguro sa seguridad sa komunidad.

“Yung pulis sa barangay ang konsepto nun ay hindi sila yung tinatawag natin na supervisor ng mga tanod that is totally wrong, we have 18 barangay base institution like BADAC,dapat ang pulis nakatutok dito hindi yung sa tanod lang,” asoy ni Yap.

Dugang ni Yap, ang giplanong lakang ang magamit aron matubag ang problema sa krimen nga nahitabo sa kadalanan. Kahibaloan nga dunay mga pulis nga nakadestino karon sa matag barangay nga ang tahas mao ang magdumala sa mga tanod.

Gawas niini, nagpakatag na usab og mga personahe ang GSCPO sa mga nag-unang kadalanan sa GenSan batok krimen, asoy ni Yap. I Richel Gubalani

Leave a Reply

Your email address will not be published. Required fields are marked *