Pulis sa Iloilo nga nag-viral ro video matapos magpaeagyo kat madakpan sa akto nga naga bueang, nagreport eon sa duty

Nagreport eon kahapon, Hulyo 20, sa Regional Headquarters Support Unit (RHSU) it Police Regional Office 6 ro pulis sa nag-viral ro video nga naga paeagyo matapos madakpan sa aktong illegal nga naga bueang sa Brgy Cagbang, Oton sa Iloilo.

Base sa pamunuan it PRO 6, nag duty eon si Police Corporal Virgilio Rojo Jr. sa RHSU ag inabisuhan nga mag-log in sa Regional Personnel Holding and Accounting Unit it PRO 6.

Madumduman nga gin-relieve si Rojo sa General Services Office it ICPO ku July 16, matapos nadakpan nga naga bueang sa Oton.

Nakataeana nga mag-report si Rojo sa NAPOLCOM Region 6 makarun nga adlaw, Hulyo 21. / ANN DESLENE SALAZAR

Leave a Reply

Your email address will not be published. Required fields are marked *