HUGOT nagpasalamat ang usa ka ginang sa usa ka pulis sa Polomolok human mabalik ang iyang kwarta.
Si Andria Redobles ang nagpasalamat kang PMSg Dores Seran ug tibuok pwersa sa kapulisan sa Polomolok Municipal Police Station tungod sa pagkamatinud-anon ug tinuod nga paghatag og serbisyo sa katawhan.
Kahibaluan nga nag-withdraw og kwarta sa usa ka bangko si PSSg Seran, personnel sa Polomolok Municipal Police Station, dihang namatikdan niini ang kwarta nga may kauban pa nga resibo sa salog.
Gilayun niining gipangita ang tag-iya apan wala nay tawo nga anaa didto.
Dayun niining gi-turn over ang maong kwarta sa duty desk officer sa ilang istasyunan.
Gani miadto usab sa Polomolok MPS si Redobles sa pamasin nga mabalik ang iyang kwarta.
Wala niini damha nga usa ka pulis ang nakakita ug nakapulot sa kwarta niini nga nabalik usab ngadto kaniya.