GIHATAGAN og 21-gun salute Miyerkoles sa buntag sa Police Regional Office-12 (Soccsksargen) isip pasidungog sa 44 Special Action Force (SAF) commandos nga namatay sa anti-terrorist operation sa Mamasapano, Maguindanao, walo katuig na ang milabay.
Gipangunahan ni Brig. Gen. Jimili Macaraeg, director sa PRO-12 ang wreath-laying ceremony sa “SAF heroes” sa Camp Lira, General Santos City. Matud ni Macaraeg, gihumdom ang ‘meaningful’ nga pagkamatay sa miyembro sa SAF.
Dugang sa opisyal, gihatag nila ang ilang kinabuhi aron makab-ot ang kahapsay ug kalinaw sa nasud. Sa bahin ni Retired Maj. Nelson Pabalinas, amahan sa namatay nga si Capt. Ryan Pabalinas, luyo sa milabay’ng mga katuigan. Nagpabilin gihapon ang kasakit ug dili maayo ang gibati nga kasakit labi na sa mga panahon nga hinumdomon ang pagkamatay sa anak.
Samtang sa aktibidad naa si Police Major General Jon Arnaldo, chief sa Directorate for Human Resource and Doctrine Development (DHRDD). Nahitabi ang shootout atol sa police operation nga gihimo sa Special Action Force (SAF) sa PNP sa Tukanalipao, Mamasapano.
Ang operasyon ang gitawag nga Oplan Exodus, ang tumong masikop o mapatay ang wanted Malaysian terrorist ug bomb-maker nga si Zulkifli Abdhir ug ubang Malaysian terrorists o high-ranking members sa Moro Islamic Liberation Front (MILF). I Richel Gubalani