Abtik nga nakasibat ang gibansagang Pungkol ug Kapre dihang nakamatikod sa presensiya sa operatiba diha sa gikonsiderang drug den sa Purok 1, Baan Riverside, Butuan City pasado alas – 4:52 kagahapon sa hapon.
Giila ni Dindo Abellanosa, ang tigpamaba sa Philippine Drug Enforecement Agency (PDEA) Caraga ang mga nakasibat nga sila Joel Radaza alyas Pungkol ug alyas Kapre.
Samtang, nadakpan ang tulo niini ka mga kaubanan nga sila Randy Soriano, Joseph Radaza, ug Johnjel Pegi.
Nakompiska sa maong dapit ang 2 ka sachets sa gituohang shabu, cellphone, marked money, ug drug paraphernalia.
Malampuson ang operisyon tungod sa tabang sa kapulisan sa Butuan City Central Police Station.