KALIBO, AKLAN—Ginpaidaeom sa waeong adlaw nga Granular Enhanced Community Quarantine (GECQ) do Purok 12 Oyotorong Street, Kalibo, Aklan.
Sandig sa ginpaguwa nga Executive Order No. 051 series of 2021 ni Kalibo Mayor Emerson Lachica, nag-umpisa raya it 12:01AM it July 21 ag magatapos it 12:01 sa July 29, 2021.
Angot kara, hugot nga igapatuman do home quarantine ag ginabawae do pagguwa it mga residente sa nasambit nga lugar kung siin makabaton man it ayuda do mga apektado maghalin sa LGU Kalibo ag Brgy. Council.
Dugang pa kara, igapatuman man do 7:00PM-5:00AM nga curfew hour sa lugar kamana man do liquor ban ag temporaryo nga igapasara do mga bukon it essential nga negosyo ag establishemento nga una sa critical zone areas samtang do mga opisina, establishemento, negosyo ag iba pang government installation kapareho it power, water establishment, ospital ag mga kaibahan sa production ag delivery it essential and basic goods hay ginapasugtang magbukas apang kinahangean nga magsunod sa basic heath and safety protocols ag sa nagapatuman nga panuntunan it community quarantine.
Nasayuran nga as of July 18,2021, do nasambit nga lugar hay may una nga 13 active cases nga apektado do waeong households, 27 indibidwal do under monitoring, tatlo do under investigation ag nakalista it sambilog nga namatay bangud sa deadly virus. // SHERRY ANNE REUNIR-VIDAL