Nahadlok na mag-eskwela ang isa ka menor de edad nga Person with Disability (PWD) student bangud sa indi maayo nga pagtratar sang iya manunudlo sa Lonoy, Elementary School sa banwa sang Sapian.
Sa interview sang Brigada News FM kay alyas ‘Lance’, ginpahayag sini nga sang naglaong siya sa iya manunudlo nga mangihi, wala siya sini ginpasugtan bangud suno dire wala sila nagapinsan magpangihi kag hala nga ginuha-guha.
Dugang pa sini nga ginpasaradhan sang iya manunudlo ang pertahan agud indi siya makapangayo sang bulig sa iya iloy nga yara sa guha.
Suno pa kay alyas ‘Lance’, ginsiling pa sang iya manunudlo nga nagasalig siya bangud yara ang iya iloy sa guha kag ginmudluan pa siya sang mata.
Ginkasubo man sang estudyante, sang ini ang wala ginhatagan sang module sang ila math teacher.
Ginpahayag man sini nga sang nagpamangkot ang amu nga manunudlo kun sin-o ang wala sang module nagbayaw sang kamot si ‘Lance’ kag nasiling “Ako ma’am, wala ko module ma’am” apang sa baylo nga palapitan kag hatagan, gintalikdan lamang siya.
Maayo nalang suno sa bata nga ginpa-share siya sang iya classmate sang module bangud naluoy ini sa iya.
Bangud sini, nadulaan na sang gana nga mag-eskwela si ‘Lance.’
Nahibaluan, nga si ‘Lance’ ang nagasupreher sang meningitis isa ka sahi sang infection nga naga-apekto sa membrane nga nagapalibot sa utok kag spinal cord. | Judy Ann Juare