Quarantine facility it San Miguel, Iloilo, ginareklamo it sambilog nga COVID-19 positive nga indibidwal

Ginareklamo makara ro mahigko ag samad nga lock it banyo it quarantine facility it San Miguel, Iloilo.

Base sa nagareklamo nga ginkilaea eamang bilang “Gamay” ginpaabot eun nana segun ro concern ngara sa Municipal Disaster Risk Reduction and Management Office (MDRRMO) pero ginbalewala eamang raya it taeatapan.

Base sa rekord, si Gamay, hay sambilog ka COVID-19 positive patient pero imaw hay asymptomatic.

Bukod pa sa anang naunang concern, ginareklamo man nana ro Department of Health ag MDRRMO bangud uwa imaw segun gintaw-an it kopya it anang RT-PCR test result.

Bangud positibo imaw sa virus, dapat ihalin si Gamay sa isolation facility sa first floor it nasambitan nga building; pero nagpakamatig-a raya.

Sa anang eksplinasyon, may mga symptomatic COVID-19 patient sa isolation room, ag base pa sa ana uwa man segun ginadisinfect it mga natungdan ro nasambitan nga building./JIL B. LACSON