Queen tuna park sa GenSan wala na ginatulogan og mga vendors

WALA nay mga vendors nga nagatulog sulod sa Queen Tuna Park sa Dadiangas South human sa nahitabong pagpangawat niadtong milabay nga semana kung asa natangag sa usa ka armadong tawo ang salapi sa usa ka tindera samtang natulog sa nahisgotang lugar.

Giadtuan sa Brigada News team ang lugar gabei sa Marso 18 ug nakita nga hapsay ug malinawon ang palibot lakip na ang daplin sa baybay nga maoy sagad ginatambayan sa mga tawo dihang wala pa gibawal ang pagpasulod sa lugar dungan  sa konstruksyon sa sea wall.

Ang mga tindahan nga nahimutang sa sulod adunay suga, samtang ang uban wala. Nakaplastar ang mga bangko, ug gitabonan og trapal ang ubang mga tinda sa mga vendors apan walay tawo nga nag-istambay.

Kahibaloan naay CSU nga nadestino aron mobantay matud pa sa Queen tuna park aron dili na masubli ang kawat sa lugar, ug masiguru ang kaluwasan sa mga mamaligyaay lakip na sa mga residente nga nagpuyo dool niini. I Enamie Mogpon

Leave a Reply

Your email address will not be published. Required fields are marked *