BICOL – LIWAT na tinawan duon kan Department of Health – DOH-Bicol na normal sanang makaekspiriensya nin side effects an sarong indibidwal matapos kaining magresibe nin bakuna kontra covid-19.
Segun sa ahensya, ini an normal asin senyales sana na nagpupuon na an immune reponse kan hawak kontra sa helang asin nawawara man sa laog nin saro sagkod tulong aldaw.
Siring man pig ingganyar an mga nabakunahan na nai-report sa lokal na govierno o vaccination site hotline an anuman na sintomas o pagbabago sa hawak na mamamatean pagkatapos na mag ako nin dose.
Nagkapira sa mga side effects iyo an pagkulog, pamumula, paggatol o paghubag kan parte kun saen ipigtudok an bakuna; bako maray an pagkagabsan na pagmati; pagkapagal; kalintura, pagkulog nin payo; asin muscle pain.
Katakod kaini, ipig aabiso man an paglalaag nin cold compress sa parte kan binaakunahan; pagsagibo nin banayad na ehersisyo; pagpahingalo asin pag inom nin dakul na tubig.
Pwediser man na uminom nin paracatemol segun sa abiso kan nurse o healthcare worker.
Pig abisuhan man an mga makakamati nin malalang adverse effects na tulos na kumunsulta sa doktor o kaya makipaagkoordinar sa pinakaharaning health center sa saindang lugar.
Mahigot man an abiso kan ahensya, dawa na ngani pwediser na maprotehiran an publiko kan bakuna gikan sa asymptomatic asin moderate hasta severe covid-19, dapat pa man giraray na ipagpadagos an BIDA behaviors para sa dugang na proteksyon para sa sadiri asin sa pamilya.