Refreshment area sa palengke sa GenSan, inspeksyonon

TAKDANG inspeksyonon sa sanitation unit sa GenSan City Health Office (CHO) ang refreshment area sa central public market.

Human gibutyag sa central public administrator nga wala’y taga sanitation unit sa cho nga nag-inspeksyon sa lugar. Gisiguro ni Lyn Basiya, tigdumala sa usa ka karenderya sulod sa Phase 2 sa palengke nga limpyo ang proseso sa pagluto sa ilang sud-an.

Limpyo usab ang ilang mga utensils nga ginagamit alang sa mga kustomer sa karenderya. Sa maong karenderya usab nikaon si Edna Balones, customer tungod nakita niya nga limpyo ang lugar ug pagkaon. Samtang, giangkon ni Engr. Neil Brandon Decipulo, head sa Sanitation Unit sa CHO nga gitakda na nila atong Mayo 17 ang inspeksyon.

Apan kini ang wala nadayon gumikan sa dunay kalit nga pulong nga nahitabo. Una nang, gibutyag ni Lito Esclamado, Public market administrator nga angayang magbutang og sanitary inspection team sa mga kan-anan sulod sa palengke.

Kahibaloan nga nag-ugat ang isyu sa palengke human nadiskubre ang pagbutang og dugo sa baboy sa isda nga ginabaligya sa pipila ka vendor aron mogawas nga presko kini. I Richel Gubalani