MITAAS pa sa 7,765 ang total recoveries sa COVID-19 sa region-12 subay sa update sa DOH-12 tungod sa nadugang nga 158 new recoveries.
Sa bag-ong nakarekober, ang South Cotabato adunay 90, GenSan sa 28, North Cotabato sa 21, Sarangani Province sa 15 ug upat sa Sultan Kudarat.
Misaka usab sa 9,687 ang total cases sa COVID-19 sa region-12 tungod sa nadugang nga 159 ka bag-ong kaso.
Sa bag-ong nagpositibo, GenSan adunay 69, South Cotabato sa 35, Sarangani Province sa 32, North Cotabato sa 14 ug Sultan Kudarat sa siyam ka kaso.
Upat usab ang nadugang nga nakabsan sa kinabuhi sa COVID-19 sa region-12, duha sa GenSan ug duha sa Sultan Kudarat hinungdan mitaas pa sa 307 ang total deaths.
Kasamtangan mokabat sa 1,613 ang aktibong kaso sa COVID-19 sa region-12 asa ang South Cotabato adunay 528, GenSan adunay 440,
North Cotabato sa 290, Sarangani Province sa 233, ug Sultan Kudarat sa 122 active cases.