MITAAS pa sa 6,239 ang total recoveries sa COVID-19 sa region-12 human madugangan og 35 adlawng Dominggo, Abril 25,2021 subay sa update sa DOH-12.
Sa bag-ong nakarekober, parehong may 16 ka nakarekober ang North Cotabato ug South Cotabato samtang duha sa GenSan ug usa sa Sultan Kudarat.
Samtang mitaas sa 7,056 ang total cases sa COVID-19 sa region-12 tungod sa 73 ka new confirmed cases.
Sa bag-ong nagpositibo, ang South Cotabato adunay 41 ka bag-ong kaso, GenSan sa 18, North Cotabato sa pito, Sultan Kudarat sa lima ug duha sa Sarangani Province.
Wala usay nadugang sa listahan sa namatay sa maong sakit nga anaa sa 247.
Kasamtangan mokabat sa 568 ang aktibong kaso sa COVID-19 sa region-12 asa 259 sa South Cotabato, GenSan sa 148, North Cotabato sa 80, Sultan Kudarat sa 52 ug Sarangani Province sa 29 active cases.