ANAA na sa 77,855 COVID-19 confirmed cases sa region-12 tungod sa walo ka bag-ong kaso as of January 17, 2023.
Sa bag-ong nagpositibo, ang North Cotabato adunay 6 ug tag usa sa GenSan ug South Cotabato.
Samtang mitaas pa sa 74,920 kun 96.23% ang total recoveries sa maong sakit sa rehiyon tungod sa 11 ka bag-ong nakarekober.
Sa bag-ong nakarekober, ang North Cotabato adunay 5, Sarangani Province-3 ug tag usa ang GenSan, South Cotabato ug Sultan Kudarat.
Duha usab ang bag-ong nakabsan sa kinabuhi sa COVID-19 sa region-12 hinungdan anaa sa 2,819 kun 3.62% ang total deaths.
Kasamtangan anaa sa 75 kun 0.09% ang active cases sa maong sakit, asa ang North Cotabato-31, Sarangani Province-27, GenSan-9, South Cotabato-7 ug Sultan Kudarat-1.