Gihugtan pa sa lokal nga panggamhanan ang regulasyon labot sa pagpahigayon og mass gathering ubos sa General Community Quarantine (GCQ) bisan sa Modified GCQ (MGCQ).
Kini nunot sa pag-apruba sa ordinansa sa 19th City Council nagtumong maregulate ang mga mahinungdanong panagtigom sama sa work meetings ug social events.
Gilatid sa ordinansa nga kinahanglan misubay pa gihapon sa joint memorandum circular sa Department of Trade and Industry (DTI) ug Department of Tourism (DOT), kung asa hangtud 50 percent lamang sa kapasidad sa venue ang gitugutan sulod sa walo ka oras.
Ang pagpahigayon usab og community-based gatherings ug vents ang limitado lamang sa 25 ka indibidwal ug ang bisan unsang government-sanctioned events limitado sa 50 indibidwal samtang sa mga simbahan og ubang places of worship kinahanglan pa gihapon i-obserba pa gihapon ang 50-percent venue capacity ug one-meter distancing.
Ang paglusad og rally sa Freedom Park gitugutan kutob lamang sa 25 ka tawo ilawum sa pagmonitor sa Davao City Police Office ug City Health Offices.
Ang mga indibidwal, establisyemento ug organizers nga musupak sa maong balaud ang makasuhan apan luyo niini giawhag pa gihapon ang mga pampubliko ug pribadong grupo/institusyon nag mas maayong himoon kining online.BNFM-DAVAO