Rehistradong botante sa Aklan, nagaabot sa masobra 400K

Masobra 400,000 katawo ro kwalipikadong nagaboto sa national and local elections sa Mayo 9, 2022 sa probinisiya it Aklan.

Base sa pinakaulihi nga rekord it Commission on Elections (Comelec), 409,938 ka mga indibidwal nga indi magnaba sa 18 dag-on hay rehistrado nga magboto sa 17 banwa it Aklan.

Ro banwa it Kalibo ro may pinakamaabong numero it mga rehistradong botante nga may 54,660, nga ginsundan it first-class nga munisipalidad it Malay nga may 42,135 ag New Washington nga may 33,238.

Sa kabieogan, ro Lezo ro may pinkamaisot nga numero it mga rehistradong botante nga may 10,039 nga ginsundan it Buruanga nga may 12,598, ag Madalag nga may 13,362.

Si Ibajay, may 32,920 rehistradong botante, Banga nga may 29,166; Nabas nga may 25,481; Numancia nga may 24,163; Batan nga may 23,831; Makato nga may 21,282; Libacao nga may 19,190; Altavas nga may 17,993; Balete nga may 17,875; Malinao nga may 16,428 at Tangalan nga may 15,577./JIL B.LACSON