Remulla, enendorso na ang plunder complaint laban kay Bantag sa Ombudsman

Kinumpirma ni Justice Secretary Jesus Crispin Remulla na inendorso na niya ang plunder complaint na inihain laban kay suspended Bureau of Corrections (BuCor) chief Gerald Bantag sa Office of the Ombudsman.

Matatandaan na noong nakaraang linggo, naghain ang BuCor ng multiple complaints, kabilang na ang plunder at malversation of public funds, laban kay Bantag kaugnay sa umano’y misappropriation ng pondo para sa tatlong prison facilities.

Ayon kay Remulla, ang kaso ay pasok sa hurisdiksyon ng Ombudsman dahil ginawa ni Bantag ang naturang hakbang habang nasa opisina pa.

Una nang sinabi ni BuCor officer-in-charge Gregorio Catapang na ang P1 billion na budget ay ibinigay sa Davao Prison and Penal Farm, Iwahig Prison and Penal Farm sa Puerto Princesa, at sa Leyte Regional Prison, kung saan 95% ng pondo ay nagamit, pero tanging 60% lang ng prison facilities ang naitayo at nakompleto.

Leave a Reply

Your email address will not be published. Required fields are marked *