Repa usa ka Ponzi scheme – SEC

Giklaro sa Securities and Exchange Commission kon SEC nga usa ka Ponzi Scheme o ilad ang Repa paluwagan nga nagatanyag og milyones nga kantidad sa mga investors niini.

Una ng giklaro sa SEC nga dili rehistrado isip corporation o partnership ang Repa ug dili usab sumala pa kini otorisado nga mag issue og investment contract sanglit wala kini makalukat og registration ug license gikan sa buhatan.

Kahinumdoman nga mukabat halos 80 ka mga tawo ang midangop sailang buhatan tungod nga na scam matud pa sila sailang administrators nga nagkantidad og 400,000 hangtod 7 milyon pesos.

Una ng gitino sa SEC nga gawas sa Bohol ug Davao, aduna sumala pa silay nadawat nga reklamo sa Cebu ug Bukidnon batok sa repa paluwagan.

Gitawag usab sa SEC nga fraud ang Repa gumikan nga ang kwarta nga gihatag niini gikan ra sab sa mga tawo nga mipay-in nga myembro. Padayon nga nagpasida-an ang mga otoridad sa publiko nga dili muapil sa mga gipangtanyag nga Repa Paluwagan scheme sanglit dili kini otorisado nga mag operate. BNFM-Davao