Rescue vehicle gisampok sa motorsiklo , driver patay

Dead on arrival sa balay tambalanan ang driver sa motorsiklo human gisampok ang rescue vehicle sa Bansalan, Davao del Sur pasado alas 7 ang takna sa gabii (Feb 22, 2023).

Sa imbistigasyon sa Bansalan Municipal Police Station, nasayran nga gisubay sa rescue vehicle sa MDRRMC sa Bansalan ang National Hiway sa Brgy Mabuhay, Bansalan, Dvo del Sur partikular sa atubangang bahin sa Mabuhay Elem Sch.

Ang rescue vehicle gimaneho ni Ryan Dave B. Emboltorio, 25 years old, ultawo, MDRRMC Rescue driver, residente sa Purok Banikanhon, Poblacion Uno, Bansalan, Davao del Sur.

Sumala sa otoridad, gisubay sa rescue vehicle ang Davao-Cotabato National Highway sa Brgy Mabuhay padulong sa direksyon sa POb Bansalan sa dihang usa ka XRM Motorcycle nga gimaneho ni Gerson A, Bacalso, 42 years old, minyo, residente sa Dipolog, Zamboanga del Norte, ang nagsubay sa dalan gikan sa Purok 2, Brgy Mabuhay Bansalan padulong sa Digos City sa dihang kalit nitipas ang gimanehong motorsiklo sa pikas lane hinungdan nga aksidente kining nabangga sa katagbo nga rescue vehicle particular ang ulo sa biktima.

Gidala gilayon ang driver sa motorsiklo sa balay tambalanan apan patay na kini paghidangat sa ospital.

Ang driver sa rescue vehicle temporaryong giditine sa Bansalan MPS alang sa saktong disposisyon.

Leave a Reply

Your email address will not be published. Required fields are marked *