GIKONDINA sa usa ka konsehal sa Gensan ang mga nahitabong krimen sa Gensan.
Matud kang Gensan City Councilor Atty. Edmar Yumang nga makasubo ang nahitabong krimen sa Gensan labi na ang sagunson nga shooting incidents.
Apan luyo niini iyang gibutyag nga kumpara sa mga nahitabong krimen sa laing mga lugar kung asa involve ang mga politicians, elected officials , maingon niyang generally peacefull ang dakbayan.
Alayon niini, sunod semana adlawng Martes , Marso 21, 2023 mag file matud pa sila og resolusyon nga gakondina sa Land grabbing ug Illegal Squatting sa Gensan.
Segun pa ni Atty. Yumang nga wala nila gipasagdan ang PNP sa mga operasyon niini kung asa adunay silay gigahin nga budget alang karong tuig 2023.
Kahinumduman nga una ng giangkon ni City PNP Director Col. Jomar Alexis Yap sa General Santos City Police Office kon GSCPO nga giimbitahan siya sa Sangguniang Panglungsod (SP) aron nga maghatag og pagpaklaro kalabot sa mga nahitabong pagpamusil sa syudad.
Kahibaluan nga sa bulan sa Pebrero ug Marso 2023 upat na ang natalang shooting incident sa Barangay Fatiman Gensan. – Jane Alido