LEGAZPI CITY – Pasado na sa enot na pagbasa kan Sangguninang Panglunsod kan Legazpi City an resolusyon na mag-eenganyar sa gabos na sektor asin residentes kan siyudad na mag-avail nin ‘Konsultasyong Sulit at Tama’ o Konsulta package nganing magtao nin outpatient health services.
An naunambitang resolusyon, pinangenotan ni Committee Chair on Health and Consultation asin konsehal Alexander Jao, kun sain segun sa sa iya, an serbisyong ini igwa ki kompletong benepisyo na susog sa Personal Health Care Law na nagsisiyertong gabos na Pilipino, makakaresibe nin pantay na prebelehiyo, may kalidad asin abot-kayang healthcare goods and services asin proteksiyon kontra sa krisis-pinansyal.
Mientrastanto, para sa old patient package , kaibahan an consultation, laboratory examination, drugs asin medicine prescriptions para sa mga miyembro asin an saindang dependents.
Dugang pa niya, para man sa laboratoryo asin diagnostic na eksaminasyon, an pwedesir su buot ma-avail na libre iyo an CBC, urinalysis, sputum, asin iba pa.
Siring man, maabot sa 21 libreng bulong hale sa manlain-lain na kategorya kan mga kamataean o kahelangan an kaibahan man digdi.
Sa ngunyan, padagos man liwat an lakdang kan sanggunian para sa mga ordinansa asin resolusyon na mawot na maipasar. | WENCY LISAY