MAY sayop ang response sa city government sa COVID-19 ug nasayang ang resources sa gobyerno.
Kini ang panglantaw ni Kagawad Franklin Gacal Jr. sa pagpatuman sa Sunday lockdown sa GenSan, sulod na sa kapin tulo ka bulan, ingon man sa pagpatuman sa curfew.
Gihingusgan niini walay ikahatag nga kaayohan ang usa ka adlaw nga lockdown asa bisan kaniadto supak kini sa maong lakang ingon man ang sa pagpatuman sa curfew.
Bisan sa mga gibayran nga hotel alang sa quarantine ug sa community kitchen dili daw gihapon kini makatabang sa kaso sa COVID-19.
Dugang ni Gacal, bugtong ang hugot nga pagpatuman sa minimum health protocols sama sa pagsuot og face mask, social distancing ug dili pagpailalom sa MECQ ang tubag sukwahi sa panawagan sa medical society.
Kasamtangan nga nagapailalom sa 14 days quarantine si Gacal sa GenSan bisan pa kon naka-kwarantina na kini og 14 days sa kaulohang Manila gikan sa Amerika.