Panel review result sa mga PNP officials re: illegal drug trade, matatapos na sa loob ng 2 linggo

Inaasahang matatapos sa loob ng dalawang linggo ang resulta ng screening sa mga opisyal at kawani ng Philippine National Police na iniuugnay sa illegal drug trade.

Sa isang pahayag , sinabi ng Presidential Communications Office na inamin ni Pangulong Ferdinand Marcos Jr. na napaka kumplikado ng prosesong ito dahil nais ng mga awtoridad na maging patas ito.

Sa pulong ng peace and order councils sa MalacaƱang, sinabi ni Marcos na ang internal cleansing ay naglalayong lutasin ang ipinagbabawal na kalakalan ng droga sa bansa at tumulong sa pagtatatag ng isang mapagkakatiwalaang puwersa ng pulisya.

Nauna nang nanawagan si Interior Secretary Benhur Abalos sa lahat ng police colonels at generals na magsumite ng courtesy resignation matapos matuklasan sa imbestigasyon na iilan sa kanila ang sangkot sa illegal drug trade.

Pinangunahan ni National Police Chief Gen. Rodolfo Azurin Jr., ang 5-man committee na inatasang suriin ang courtesy resignations ng mga top-ranking police.//CA

Leave a Reply

Your email address will not be published. Required fields are marked *