Retrieval operators, posible nang gumamit ng chopper sa pagkuha ng labi ng mga nasawing biktima ng Cessna plane crash sa Albay

LEGAZPI CITY – Magpahanggang ngayon ay nagpapatuloy pa rin ang sama ng panahon sa lalawigan ng Albay kung kaya’t nababalot pa rin ng hamog ang bulkang Mayon na siyang nagpapahihirap sa mga retrieval operators ng Cessna 340 plane crash victims.

Ayon kay Incidente Management Team (IMT) commander at Camalig Municipal Mayor Carlos Baldo, Jr., sa oras na gumanda ang panahon ay mapipilitan na itong gumamit ng chopper i-airlift ang mga bangkay sa nagpapatuloy na retrieval operation sa bayan.

Aniya, nakahanda rin naman ang Philippine Air Force para sa gagawing operasyon sa dalisdis ng bulkan.

Binigyang-diin pa nito na ito na ang pinakamabilis na paraan upang tuluyan nang maibaba ang mga biktima na mahigit isang lingo nang nasa taas ng bulkan at pagod na rin ang mga retrieval teams sa pabalik-balik kahit mayroon pang augmentation na ginagawa ang lokal na pamahalaan.

Sa ngayon ay naghahanap na rin ng lokasyon ang mga responders para sa magiging drop off point ng chopper, kung saan huhulugan ng lubid at hihilahin na lamang ito pataas.

Sinabi pa ni Baldo, target pa rin nitong makapagbaba ng isa o dalawang bangkay gamit ang chopper sakaling gumanda ang panahon ngayon araw.

Leave a Reply

Your email address will not be published. Required fields are marked *