Rice allowance para sa mga empleyado sa Naga City pa dumarating

NAGA CITY –  Hindi pa natatanggap ng mga empleyado ng lokal na pamahalaan ng Naga City ang rice allowance na unang ipinangako ng National Government at sa direktibang inilabas ng Office of the President.

Ilang mga empleyado sa City Hall ang nagtatanong na kung kailan nila makukuha ang naturang bigas na ayon sa kanila ay kalahating sako.

Sayang din naman aniya ito, malaking tulong na ito sa kanilang pamilya lalo na doon sa maraming mga anak.

Kaugnay nito, una na ring inihayag ni City Mayor Nelson Legacion na ang bigas na ipamimigay nila sa mga empleyado ay manggagaling sa National Food Authority na regular nilang kinukunan pag may ganitong rice subsidy ang pamahalaan.

Sa kaniyang talumpati sa harap ng mga empleyado, sinabi niyang may problema ang NFA dahil sa kulang ang bigas nito.

Bibili na lang aniya ang City Government ng bigas sa iba, sabi pa ng alkalde.