Rice Machineries, nagmalampuson ang pagbansay sa kurso PHILMECH

NAGMALAPUSON ang pagbansay sa kurso nga Philmech, sa sulod sa lima 5 ka adlaw, nga gipahigayon sa Jimenez, Misamis Occidental.

Ang pagbansay kabahin sa programa sa RCEF, kun diin gitambongan kini sa mga benepisyaryo nga mag-uuma, nga nahisakop sa 13 ka mga FCA, gikan sa 11 ka mga lungsod sa maong lugar.

Gipanguluhan ni Roldan P. Garbo, usa ka Labo Farmer’s Association, malipayon siyang nagpahayag sa iyang nasinatian, tungod dugay na nilang nga gipangandoy kini sa tibuok nga kinabuhi nga matabangan sila sa  gobyerno, sa klase nga programa nga makapaayo sa mga mag-uuma sa humay.

Sa seremonya sa culmination, nakig-alayon si Senador Cynthia A. Villar,  pinaagi sa virtual platform ug gidayeg ang mga benepisyaryo sa mga mag-uuma, tungod kay nakakuha sila ug dugang kahibalo sa mga modernong pamaagi, pinaagi sa husto nga paggamit sa mga makina, ug anaa usab ang uban pang mga buhatan kabahin sa maong gipahigayon nga seremonya.

Ang pamaagi sa kalihukan, dakong tabang sa mga mag-uuma nga gustong makabalo sa mga modernong butang ug usa kini ka dakong tabang para sa kaumahan.