LEGAZPI CITY – Kinumpirmar kan Department of Trade and Industry (DTI) Albay na hasta sa ngunyan dakol-dakol pa an dai pa nakakautob man Executive Order No. 39 ni PBBM o an price ceiling sa mga bagas.
Kun marurumduman, duwang semana na na an nakalihis puon kan enot ining inimplementar sa nasyon.
Sa intrevista kan Brigada News FM Legazpi kay Noel Bonao kan DTI Albay, sinabi niya na padagos an pagpapagiromdom ninda sa mga rice retailer na mag-adjust na kan presyo asin utubon an EO bago pa umabot an oras na an Department of Agriculture na mismo an makadakop asin magtao nin penalidad sa sainda bilang lead agency kan price ceiling.
Segun saiya, sa ngunyan kaya nagaruluwas naman an mga personahe kan DA nganing mag-monitor sa mga merkado-publiko.
Sa ngunyan su boot, nagaralaog naman sinda sa mga rice retailer kan mga barangay sa probinsya.
Mientrastanto, darakol naman su boot an mga nag-urutob sa EO, orog na itong mga nakaresibe na kan PHP15,000 kantidad na ayuda na itinuga kan gobyerno sa mga rice retailers na maaapektaran kaini.