NAGMALAMPUSON ANG Ride to End Polio activity sa Rotary Clubs September 10, 2023 adlaw nga Domingo sa General Santos City.
Sa mga niapil sa Bicycle Rides gikan sa Salazar Estate, Barangay Lagao padulong sa Malandag unya padulong sa Apopong ug Gensan Airport, ang mga nakauna sa Finish Line sa 20kms nakuha ni Roldan Roy Recibe, 33-anyos gikan sa Barangay Mabuhay,sa 40kms nakuha ni Kuby Parcia, 16-anyos gikan sa Barangay City Hieghts, Gensan ug ang nauna sa 80kms si Alec Serviento, 24-anyos gikan sa Koronadal City.
Malipayon ang kanhi Assistant Governor sa Rotary Club Koronadal sa ilang partisipasyon ug sa ilang mga riders nga wala nagpaulahi,gipasabot niini nga ang nalikom nga Registration Fees maadto sa kampanya sa Club batok sakit nga Polio Worldwide.
Sumala kay Rotary Club District Governor Rozanne Twinkle Gamboa gikan sa Davao City nga malipayon siya ug nagapasalamat sa Area F,G ug H sa hapsay nga pag organisa sa Ride to End Polio, gipasabot usab niini nga batok Polio ang usa sa ilang kampanya gumikan sauna ang Pilipinas ang pinakauna nga beneficiary sa Polio Vaccine.
Samtang giusa-usa ug pasalamat ni Area 3F Assistant Governor Pedro Acharon Jr. ang tanang nagsuporta ug nagtambong gikan sa12e ka mga Clubs ug Sponsors.
Usa sa gipasalamatan si Rotary Club of Dadiangas President Rosalie Garcia ug ang Brigada Group of Companies ug Area 3G Assistant Governor nga si Ma’am Yelcy Yasay Catulpos nga Executive Vice President sa Brigada. Wala usab kini nagpauli sa sayaw nga nagsilbing warmup sa mga Riders. I Ver Diazon