Takda nga sugdan na sa Department of Agriculture Northern Mindanao ang roll-out sa Swine Sentinel Program sa mga naila nga ASF-plagued areas sa rehiyon ning unang quarter sa tuig.
Ang DA-ASF Task Force nga pangunhan ni Regional Executive Director Carlene Collado himuong pilot sa program ang mga identified areas sa rehiyon, diin gikonsidera ang LGUs sa ilang ka-andam ug kapasidad sa pagpatuman sa ASF rehabilitation programs.
Ubos sa programa ang kwalipikadong ASF-affected hog raisers mahatagan sa 945 ka sentinel hogs nga ilang ma-padako sulod sa ilang lokasyon ubos sa probation period ug close monitoring sa task force.
Sa dili pa ihatag ang sentinel hogs sa benepisyaryo, ipahigayon una ang pagpahinlo ug disinfection sa area sulod sa 30 ka adlaw, ug daghan pa nga proseso aron hingpit ma-turn-over ang mga hogs.
Una nang gi-ingon ni RD Collado nga mihimo na sila karon og mga major steps alang sa ASF recovery sa Northern Mindanao.-END-