BICOL – UMINARANGKADA na puon kasudma Mayo dyes y siete, an round 2 kan Oral Polio Vaccine Supplemental Immunization Activity (OPV SIA) sa mga piling munisipyo asin siyudad sa Bicol.
Segun sa Department of Health o DOH-Bicol, madurar an immunization activity hasta Mayo bente otso para sa mga kaakian na mayo pang singko anyos.
Obheto kan OPV SIA na matawan nin dugang na proteksyon an mga kaakian , laban sa mga malalang komplikasyon kan helang na poliomyelitis o polio.
An helang na ini an dara kan poliovirus na minaatake sa spinal cord asin mga nerves na nagpapahiro sa mga muscles, urog na sa bitis, hasta an mga ini an dai na maihiro asin maparalisa habangbuhay.
Pwediser man na maparalisar an diaphragm o an “breathing muscle”, kun kaya pwediser na madipisilan na maghangos an sarong pasyente hasta sa magresulta sa pagkagadan.
Katakod kaini padagos na pig iingkaminar kan DOH an mga Bicolano, partikular an mga dai nakasabay sa enot na round na aprubitsaran an ikaduwang ornada kan immunization activity nin huli ta ini an libre.
Sa tahaw soboot kaya kan COVID-19 pandemic, nagdadakul man soboot an kaso nin tigdas, rubella asin padagos man na nakakapagrehistro nin polio outbreak.
Mayo man soboot dapat na ikatakot an mga magurang nin huli ta cierto na ligtas ini asin garantisadong makapagtatao nin dugang na proteksyon para sa mga kaakian urog ngunyan na igwang pandemya.
Tema kan Oral Polio Vaccination ngunyan na taon an “Sa dagdag na bakuna laban sa Polio, si CHIKITING ay siguradong protektado!”