Roxas City Government, gilayon nga nagdul-ong sang bulig sa mga biktima sang sunog

Madasig nga naghatag sang nagakaigo nga bulig ang Roxas City Government sa mga biktima sang sunog kahapon nga adlaw sa Rizal Street, Brgy. VII, Roxas City.

Temporaryo nga nagatiner ang mga apektado nga pamilya sa evacuation center sa Rufina Andrada Santos Memorial School.

Ginsiguro ni Mayor Ronnie Dadivas nga may matulogan ang mga biktima nga nadulaan sang panimalay kag mahatag ang ila kinahanglanon halin sa pagkaon, family kits, sleeping kits, hygiene kits, kitchen kits kag madamo sang iban pa.

Nagapasalig man ang City Government nga ila tinguhaan nga mapangitaan sang maistaran ang mga biktima pinaagi sa pagpangayo sang bulig sa nagkalain-lain nga ahensya sang gobyerno.

Ginapasalamatan man ni Mayor Dadivas ang mga indibidwal nga boluntaryo nagpaabot sang ila bulig sa mga nasunugan. | Judy Ann Juare