Nagpa record sa Kalibo MPS ro sangka nurse matapos raya nga paeagyuhan it driver it tricycle nga nakasunggab sa anang saeakyan kahapon.
Ginkilaea ro complainant nga si Loida Enero 60 yo, sangka nurse ag residente it Brgy. Joyao-Joyao, Numancia, Aklan.
Sa report, samtang nagamanehu si Enero sa may Roxas Avenue, nagpundo raya agud patabukon ro tawo, pero gulpi eon lang segun nga may sumunggab nga tricycle sa likod it anang saeakyan.
Matawag eon segun kunta imaw it pulis kat may nagpanuktok nga sangka pulis sa bintana it anang saeakyan.
Kat gumuwa imaw it anang saeakyan hay owa eon ro driver it tricycle ngani ginpakamayad nana nga iparekord ro insidente sa Kalibo MPS. / ANN DESLENE SALAZAR