Nag-angkon sang kapilasan sa magkatuhay nga parte sang lawas ang duha ka persona matapos nagbaliskad ang ila ginasakyan nga ford ecosport sa National Highway sang Barangay Lanot, Roxas City pasado alas 2 kaina sang kaaganhon.
Ginkilala ang mga biktima nga sanday Devin Dadivas, 51-anyos kag Daryl Gabrillo, 28-anyos nga lunsay mga residente sang Barangay Loctugan.
Sandig sa Roxas City PNP, pauli na kuntani sanday Dadivas kag Gabrillo apang aksidente ang mga ini nga bumunggo sa isa ka tricycle nga nagaparking sa higad sang dalan rason nga nagbaliskad gid ang ila salakyan
Gilayon nga gindapatan sang pauna nga pagbulong ang mga biktima sang Capiz Emergency Response Team (CERT) kag ginpadangat sa ospital. | Judy Ann Juare