Naninahan ro sangka eaeaki sa natabo nga rambol kabii sa Brgy. Tambak, New Washington, Aklan.
Sa interview it Brigada News FM Kalibo sa New Washington MPS, nakataeana nga daehon makarun nga adlaw sa syudad it Iloilo ro biktima nga owa pa ginpangaeanan agud igto operahan.
Nasayuran nga hasta makarun hay naga ungot gihapon ro kutsilyo sa likod it ueo it biktima matapos raya nga bun-on it owa pa makilaea man nga suspek.
Nasayuran nga naboe-an it video ro nasambit nga rambol it grupo it mga kaeaeakihan nga naga haeabyan it bote.
Sa makarun hay may ap-at ka eaeaki nga naka-deteni sa lock-up cell it New Washington MPS na imbolbado sa rambol, samtang padayun pa ro imbestigasyun sa natabo nga insidente kabii. / ANN DESLENE SALAZAR